Trafiko aldaketak igandean txirrindulari lasterketagatik
'Errenteria Hiria Txirrindulari Saria' lasterketa dela eta kaleak itxiko dira. Autobus zerbitzuetan ere aldaketak egingo dira.
Igandean, hilak 6an, ospatuko den jubenil kategoriako ‘XXXVI. Errenteria Hiria Txirrindulari Saria’ lasterketak trafiko aldaketak eta kale mozketak ekarriko ditu. Lasterketa 16:00etatik aurrera hasiko da, eta bi orduko iraupena izango du. Txirrindulari tropela 16:15ean, 16:30ean, 17:00etan eta 17:30ean igaroko da Errenteriatik.
Hori dela eta, 15:30etik 18:30era trafikoa itxita egongo da Renfeko biribilgunetik Lartzabalgo biribilguneraino. Udaltzaingoak gidariei eskatzen die ahal duten heinean ordezko bideak erabil ditzatela auzoetara sartzeko. Esaterako, N-1 errepidea eta erdialdeko kaleak.
Bestetik, garraio publikoari dagokionez, U7 autobus lineako Galiziako biribilguneko, Zumardiko eta Touring Etorbideko geltokiak 15:45etik 19:00etara bertan behera geldituko direla jakinarazten du Udaltzaingoak. E02 eta E27 autobus lineetako Zumardiko, Gabierrotako eta Lartzabalgo geltokiak ere bertan behera geldituko dira ordu berean.
Txirrindulari tropela Nafarroa Etorbideko helmugara 18:00etan helduko direla aurreikusten da. Lasterketa Laguntasuna Txirrindulari Elkarteak antolatzen du Errenteriako Udalaren laguntzarekin.
