Lau multzotan banatu dituzte hamabi bikoteak, ligaxka moduan aritzeko. Gizonen bost kanporaketa jokatu dituzte.
Larunbatean txapelketa hasi zuten bikoteetako batzuk. 
Lau multzotan banatu dituzte hamabi bikoteak, ligaxka moduan aritzeko. Gizonen bost kanporaketa jokatu dituzte.
Euskal Herriko Pala Txapelketa Irekiak aurrera jarraitzen du. Mugarria izan da asteburua. Izan ere, emakumeen pala txapelketa hasi da, eta gizonenean, berriz, kanporaketei ekin diete.
Emakumeek osatutako hamabi bikotek eman dute izena. Bergara, Deba, Zumaia, Astigarraga, Pasaia eta Donostiako bikoteek eman dute izena, eta gehienek aurretik parte hartu dute, bi bikote kenduta.
Sei partidarekin hasi da txapelketa hori. Hamabi bikoteak lau multzotan banatu dituzte, eta ligaxka moduan jokatuko dituzte partidak. Talde bakoitzeko bi bikote onenak final zortzirenetara pasatuko dira.
Gizonen txapelketari dagokionez, bost partida jokatu dituzte asteburuan. Arruabarrena anaiek hurrengo kanporaketan aritzeko txartela lortu zuten, Agirre eta Lete andoaindarrei 25-16 irabazita.
Kanporaketek aurrera jarraituko dute asteburuan, eta horien artean dago Mitxelena eta Asteasuinzarra oiartzuarrek jokatuko dutena. Nuin eta Ferreiro donostiarrak izango dituzte aurrez aurre.
Emakumeen Txapelketa
- Fernandez — Aizpuru / Agirrezabal — Aranburu: 25-16.
- Torres — Garate / Mendizabal — Aizpuru: 7-25.
- Gutierrez — Otaegi / Eizmendi — Balerdi: 15-25.
- Adrian — Txintxurreta / Arraras — Eldua: 21-25.
- Rekalde — Anza / Rosa — Elezgarai: 15-25.
- Adrian — Txintxurreta / Olano — Karrera: 18-25.
Gizonen Hirugarren Maila
- Arruabarrena anaiak / Agirre — Lete: 25-15.
- Zendoia — Ruiz / Caballero — Olazabal: 25-21.
Gizonen Bigarren Maila
- Lizaso — Aldalur / Berho — Oria: 17-25.
- Martija — Matxain / Asiain — Bertiz: 16-25.
Gizonen Lehen Maila
- Aizpuru — Epelde / Arriaga — Arriaga: 25-14.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
