Gipuzkoako hiru txapel Donibanera
San Juanek, herrialdeko ligan egin bezala, mutilen Promesa Mailan nahiz nesken eta mutilen Gazte Mailan irabazi ditu txapelak.
Zazpitik hiru. Atzo jokoan izan zen Gipuzkoako Batel Txapelketa, eta lehian izan ziren zazpi kategorietatik, hirutan txapela lortu zuten San Juango arraunlariek: mutilen Promesa Mailan, eta nesken nahiz mutilen Gazte Mailako lehietan. Gipuzkoako Ligan ere haiek izan ziren garaile, larunbatean egin zen azken estropadan hala berretsita.
Lehen postu horiez gain, beste ohorezko asko lortu zituzten Oarsoaldeko batelek. Honakoak:
- Mutilen Haur Mailan: San Juan brontzea, eta San Pedro laugarrena. Orio izan zen irabazlea.
- Nesken Haur Mailan: San Juan brontzea, eta Hibaika Federazio Txapelketan bigarrena. Zumaia izan zen txapelaren jabe.
- Mutilen Promesa Mailan: Federazio Txapelketan Hibaika bigarrena, eta San Pedro hirugarrena. Maila horretan urrea San Juanena.
- Nesken Promesa Maila txapelketan Hibaika laugarren, eta Federazi Txapelketan San Juan bigarren. Hernanirentzat urrea maila horretan.
- Mutilen Gazte Mailan: Federazio Txapelketan, Hibaika bigarren eta San Pedro hirugarren. Maila horretako garaipen nagusia eta urrea San Juanentzat.
- Nesken Gazte Mailan: Hibaikarentzat brontzea, eta urrea San Juanentzat.
- Mutilen Absolutu Maila: Donostiarra irabazlearen atzetik, San Juanentzat zilarra.
Sailkapen guztiak xehetasunez ikusteko klik egin esteka honetan.
