Hernandez eta Suspe oiartzuarrek aurrera egin dute pala txapelketan
Asteburuan zortzi partida jokatu dituzte Madalensoron. Datorren asteburuan hamar partida jokatuko dituzte, kanporaketak fintzen joateko.
Zutik Suspe, Jokin, Toledo epailea, Diaz eta Zelaia. Makurtuta, Andueza, Rodriguez, Luixa eta Etxeberria Pasa den asteburuan Giriziak antolatzen duen pala txapelketako zortzi partida jokatu dituzte. Suspe eta Hernandez oiartzuarrek osatzen duten bikotea aritu da horietako batean. Hurrengo faserako sailkapena eskuratu zuten; Goierriko etxeberriatarrak izango dituzte aurrean.
Emakumeen txapelketako beste partida bat jokatu zuten. Gutierrez eta Otaegik Gartziandia eta Balzola menperatu zituzten, alde handiarekin, eta hurrengo txapelketan aritzeko eskubidea lortu dute. Honakoak izan ziren emaitzak (datorren asteburuko kartelera ikusteko, egin klik hemen):
Emakumeen Txapelketa
- Gutierrez — Otaegi / Gartziandia — Balzola: 25-6
Gizonen Hirugarren Maila
- Unsuain — Fierro / Egiguren — Mendigain: 1-25.
- Diaz — Zelaia / Hernandez — Susperregi: 16-25.
Gizonen Bigarren Maila
- Garbisu — Mitxelena / Arregi — Urreaga: 25-13.
- Luixa — Luluaga / Berho — Oria: 25-17.
- Luixa — Etxeberria / Andueza — Rodriguez: 25-17.
Gizonen Lehen Maila
- Arrizabalaga — Lizarralde / Inda — Gamio: 25-21.
- Iriarte — Erburu / Zabala — Goñi: 25-16.
