Salbuespen legediaren nondik norakoak ezagutzeko mahai ingurua egingo du Sarek
Espetxe politikak euskal presoengan duen eraginaz ariko dira Onintza Ostolaza abokatua eta Zigor Agirre Sareko kidea.
Euskal preso politikoen egoeraz ariko dira datorren ostegunean (hilak 28) pleno aretoan, Oiartzungo Sarek mahai ingurua antolatu baitu. “Nola eragiten du salbuespen legediak espetxe politikan?” galderari erantzungo diote Onintza Ostolaza abokatuak eta Zigor Agirre Sareko kideak, eta bereziki Joanes Larretxea Oiartzungo euskal presoaren egoeraz ariko dira. Miren Azkarate ariko da dinamizatzaile lanetan.
“Salbuespen legediaren nondik norakoak ezagutzeko aukera aparta dugu. Zer eragin du espetxe politika horrek presoengan? Eta Joanesengan?”, esan dute Sareko kideek. Oiartzuar orori luzatu diote bertaratzeko gonbita.
