'Planeta berria' ipuina aurkeztu die Pello Añorgak herriko ikasleei
Elizaldeko LH 4, 5 eta 6. mailako ikasleekin bildu da gaur, eta bihar Haurtzaro Ikastolakoen txanda izango da. Ingurumenaren zaintzari buruzko lana da, ikus-entzunezkoa.
![pello añorga, planeta berria](https://oarsoaldea.hitza.eus/site/files/2022/04/dsc05223.jpg)
Elizalde ikastetxeko LH 4, 5 eta 6. mailako ikasleekin bildu da gaur udaletxean Pello Añorga idazle eta ipuin-kontalaria, ‘Planeta berria izeneko azken ipuina aurkezten. Bihar Haurtzaroko ikasleek bilduko da.
Ikus-entzunezko ipuina egin du Añorgak, zortzi minutu ingurukoa. Ama lurra zaintzearen beharraz aritu da lanean, hegazkinlari eta neskato baten arteko elkarrizketan datza lana. Goitik ikusitakoa deskribatzen du hegazkinlariak, ama lurrak dituen milaka altxorrak aurkezten dizkio. Gero, ordea, gizakiak eragindako basakeriez aritzen dira, ironiaz betetako mezuekin.
Añorgaren asmoa, ikasleen artean “kontzientzia planetarioa garatzea” izan dela kontatu du, eta era berean, “gure erantzukizuna indartzea, planetari gertatzen zaion gauza bakoitza guri gertatzen baitzaigu. Plastikoz eta zaborrez inguratutako planeta batean bizi gara, eta hori erakutsi behar diegu ikasleei”.
Ikus-entzunezkoa osatzeko Arai Martinez ikaslearen, Leire Mitxelena artxibozainaren, Jokin Mitxelena ilustratzailearen, Lorea Añorgaren eta Ander Fernandez musikariaren laguntza jaso du idazleak.
Ondorengo bideoan ikus daiteke ipuina: