Errenteriako Udalak Herri Behatokia abiatuko du
Politika publikoak herritarrekin modu partekatuan sortzea eta ebaluatzea izango da behatokiaren helburu nagusia.
Errenteriako udaletxea, Herriko Plazan. Errenteriako Udalak herritarren iritzia jaso nahi du. Horretarako, Herri Behatokia abian jarri nahi du. Zozketaz hautatutako 750 herritarrei gonbita luzatu zaie prozesuan parte hartzeko. Horietako 60k osatuko dute behin betiko behatokia.
Udalak herritarren ahotsa politika publikoetara gerturatu nahi du, eta asmo horrekin lan taldeak egingo ditu. Politika publikoak bultzatzea, ebaluatzea, monitorizatzea eta benetan betetzen direla izango da herritar taldeen helburua. Bi talde osatuko dituzte, hogeitamarna pertsonez osatuta. Lehenengo taldeak auzoak eta herria izango dute hizpide; bigarren taldeak, aldiz, udalak eskuartean dituen hainbat proiektu aztertuko ditu.
Lana hiru fasetan burutuko da. Lehengoan informazioa jasoko da; bigarren, berriz, jasotako informazioaz hausnartu eta balorazioa egingo da. Azkenik, proposamenak edo ekarpenak egin ahal izango dituzte taldeek. Lantalde bakoitzak 4 alditan bilduko da, maiatzean eta ekainean. Ez da beharrezkoa gaietan aditua izatea, izan ere parte-hartzaileek herritar bezala duten ikuspegia helaraz dezatela da udalaren asmoa.
