'Krisi kapitalista garaian, sozialismoa eraikitzen' lemapean bildu dira
Hamarka lagunek erantzun zioten atzo Maiatzaren Lehenerako Kontseilu Sozialistak egindako deiari. Done Eztebe plazan bildu ziren.
Oiartzungo Done Eztebe plazan elkarretaratzea egin zuten atzo hamarka lagunek, Kontseilu Sozialistak Maiatzaren Lehenerako egindako mobilizazioan. Krisi kapitalista garaian, sozialismoa eraikitzen lelopean bildu ziren.
Atzokoa “langileria iraultzailearen memoria gurera ekartzeko, egungo proletalgoa borrokara deitzeko eta Kontseilu sozialistak ezagutzera emateko” baliatu nahi izan zuten bertaratutakoek. Langile klaseak “bere defentsa eta askapenerako mekanismo eta baliabideak” garatu behar dituela ere aldarrikatu zuten, eta mobilizatzeko premiaz aritu ziren. Izan ere, nabarmendu zuten soilik “borroka grinez eta esperientzia iraultzaileen metaketaren bitartez” lortu dituela langile klaseak “askatasun kuotarik handienak”.
