Oarsoaldeko lau herrietako Kuadrillategi egitasmoko gazteek bat egingo dute Ibaiondo pilotalekuan. Bertan, jolasean emango dute eguna.
2019ko Kuadrillategi Eguneko artxiboko irudia. 
2022ko Kuadrillategi Egunak Pasai Antxoko Ibaiondo pilotalekua hartuko du datorren larunbatean. Oarsoaldeko lau herrietako kuadrillategitar gazteek bertan bat egingo dute 11:00etan, eta 17:00ak bitarte, jolas, bazkari eta musikarekin gozatzeko tartea izango dute.
Eskualdeko 12-16 urte arteko 400 gazte elkartzen ditu Kuadrillategik ostiraleroko saioetan, eta horiek guztiak gonbidatuta daude larunbatekora. Horra hor Kuadrillategi Egunerako lau herrietako hezitzaileek osatutako batzordeak osatu duen egitaraua:
- 11:00etan, pasaitarrek harrera egingo diete frontoian gainerako herrietako gazteei.
- Segidan, gazteak taldekatu eta joko eta jolasen tartea hasiko da. Ginkana, olinpiadak eta abar egingo dituzte.
- 13:30etik 15:00etara, bazkaria.
- 15:00etatik 17:00etara, DJ UMEren musika emanaldia.
- 17:00etan, agurra egingo diete pasaitarrek gainontzeko gazteei.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
