Haurrek ere ahotsa izateko jai batzordea osatu nahi dute
Oarso Irriak taldeak bultzatuta, Madalenetan gazteenek euren espazioa izateko Haurren Jai Batzordea osatu nahi da.
2022ko Madalenen prestaketa aurrera doa, eta haurrek ahotsa eta euren espazioa izateko, Haurren Jai Batzordea osatu nahi da. Horretarako, Oarso Irriak taldeak dinamika berezi batzuk prestatu ditu 6 eta 12 urte bitarteko gazteentzat, haiek ere euren ideiak landu eta azaldu ditzaten. Horrez gain, txupinazo txikiaren pegatinak sortzeko aukera ere izango dute bertaratzen direnek.
Haurren Jai Batzordea osatzeko deialdia maiatzaren 13an, ostirala, izango da, 17:00etan, Lekuona Fabrikako lehen solairuko plaza berdean. Oarso Irriaketik informazioa etxeko txikiekin parteka dezaten eskatu diete familia eta gurasoei, jaietan ere gazteenen presentzia egon dadin eta euren ekarpenekin denek gozatu dezaten.