15 kirol jardueraz gozatuko dute haur oiartzuarrek uda honetan
Jarduera hauek bereziki haurrei bideratutakoak izango dira, baina helduek ere aukera izango dute parte hartzeko. Ikastaro bakoitzarengatik 34,70 eta 90,60 euro artean ordaindu beharko da.
Elorsoro kiroldegian egingo dute eskalada saioa. Uda honetan ere askotariko kirolez gozatu ahal izango dute Oiartzungo haurrek. Oarsoaldeko Uda Kirol eskaintzaren berri eman du udalak, eta eskainiko dituzten 26 jarduera horietatik 15 egingo dituzte herrian.
Jarduera hauek bereziki haurrei bideratutakoak izango dira, baina helduek ere aukera izango dute parte hartzeko. Ikastaro bakoitzarengatik 34,70 eta 90,60 euro artean ordaindu beharko da, jardueraren araberako prezioa ezarriko dute.
Honako kirol jarduerak eskainiko dituzte aurten: aquagym, bike
eskola, cycling, entrenamendu funtzionala, eskalada, gaztefitness,
igeriketa, lerro irristaketa, multifitness, padel hastapena, top kirola, XC eta enduro udalekuak eta azkenik, zirku tailerra eta zumba. Hauetaz gain, eskualdeko beste hiru udalerrietan eskainiko dituzten jardueretan ere parte hartzeko aukera izango dute oiartzuarrek.
Ekainaren azkeneko astean ekingo diote programari, eta uztaila bitarte luzatuko dituzte. Izen emateko aukera dago jada.
