Bekoerrota eta Altzateko langileak lan baldintza duinen alde manifestatu dira
Elkarretaratzea Gurutze Santuaren plazatik abiatu, eta herri osoa zeharkatu ostean, udaletxera bueltatu da.
Konzentrazioa Gurutze Santuaren plazan amaitu da. Goizeko 12:00etan zuten hitzordua Bekoerrotako eta Altzateko langileek. Lan baldintza duinak eskatzeko antolatuta zuten manifestazioa Gurutze Santuaren plazan hasi da, eta berehala ekin diote herri osoari buelta ematera. Ibilbidearen zehar akordioaren aldeko eta enpresa erantzulearen aurkako oihuak bota dituzte bertaratutakoek.
Behin manifestazioa amaituta Gurutze Santuaren plazara bueltatu dira eta komunikatua irakurri dute. Bertan salatu dute konbeniorik gabe eta lan baldintza prekarioekin jarraitzen dutela. Bide batez, soldata 10 urtez izozturik dutela salatu, eta lehen eta bigarren mailako langileak izango balira bezala lan egin baino baldintza ezberdinekin daudela jakinarazi dute. Negoziazioan eman dituzten aurrerapausoengatik poztasuna agertu dute, baina jakitera eman dute BPXport enpresak ez duela hitzarmena sinatzera eseri nahi.
Azkenik, eskerrak eman dizkiote Lezoko herriari, eta gogoarazi dute atzo eta gaur kiroldegiak ixtea lortu dutela.
