Eguzkik azkenaldian egiten ari diren zuhaitz mozketak salatu ditu

Zuhaitz mozketak egin aurretik alternatibak bilatzea eskatu du talde ekologistak.

Aurreko eta egungo egoeraren konparaketa.

Errenteria-Orereta azkenaldian egin diren zuhaitz mozketak kritikatu du Eguzkik. Talde ekologistaren arabera, Gabierrotan, Beraunen eta Basanoaga eskolaren ondoan egin dira azkenekoak. Oarsoaldeko Eguzkiren esanetan, galdetu dutenean zuhaitzak gaixo zeudela, arriskutsuak zirela edo etxeak, parkeak, errepideak eta antzeko urbanizazio-lanak egiteko oztopo zirela jaso dute erantzun modura.

Taldeak mozketak egin aurretik alternatibak bilatzea eskatu du, eta zuhaitzen beharra defendatu dute, izan ere ekologisten aburuz, zuhaitzek biodibertsitatea kontserbatzen baitute. Horrekin batera, estresa kendu, itzala ematen dutela eta hegaztien eta beste espezie batzuen babesleku direla gogoarazi dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.