Haurtzaro eta Oiartzoko hainbat ikasle saritu dituzte aurtengo Azkue Literatur Sarietan
Karla Loinaz, Maddi Mitxelena eta Oihana Retegi saritu dituzte. 14. Elkar Ilustrazio eta Ipuin Lehiaketan ere Haurtzaroko ikasle bat saritua izan da.
Joan den ostiralean Euskaltzaindiaren Bilboko egoitza nagusian Azkue Literatur Sariak banatu zituzten. Bertan izan ziren Haurtzaro Ikastolako eta Oiartzo Batxilergo Ikastolako zenbait ordezkari, haien lanak saritu baitzituzten. Zehazki, Haurtzaro Ikastolako Karla Loinaz eta Maddi Mitxelena ikasleak eta Oiartzoko Oihana Retegi saritu dituzte.
Haurtzaro izan da aurtengo edizioan lehiaketara ikasle gehien aurkeztu dituen ikastetxea, 500 euro jaso ditu horren truke.
Sari nagusiaz gainera, 14. Elkar Ilustrazio eta Ipuin Lehiaketan ere Haurtzaroko DBH 2. mailako Ekhi Arizmendi ikaslea (ipuinen alorrean) saritu dute: lehen saria eskuratu du, Gogoan zaitut ipuinarekin.
