Merkataritza eta zerbitzu establezimenduak modernizatzeko laguntzen eskaera zabalik
Eskaerak irailaren 30 baino lehenago egin beharko dira. Eusko Jaurlaritzako MEC 2022 proiektuaren parte da.
Oarsoaldeko merkatariek laguntzak eskatu ahal izango dituzte euren establezimenduak modernizatzeko. Eusko Jaurlaritzak 2022ko MEC argitaratu berri du, Euskal Autonomia Erkidegoko merkataritza-establezimenduen modernizazioa sustatzeko, azpiegiturak eta ekipamendu komertzialak hobetuz.
Txikizkako merkataritza eta hiriko merkataritza-jarduerarekin lotutako beste zerbitzu batzuen establezimenduak modernizatzen laguntzeko baliogarriak izango dira laguntzak. Merkataritza-establezimenduko azpiegitura eta ekipamendua berritzeko edo teknologia berriak eta berrikuntza txertatzeko diru laguntzak emango dira, betiere lehenengo kasuan inbertsioa gutxienez 3.000 eurokoa, eta bigarren kasuan 750 eurokoa badira.
Dokumentazioa tramitazio elektronikorako aplikazioan aurkeztuz eskatu beharko da 2022ko irailaren 30 baino lehen. Informazio gehiago eskuratu nahi dutenek, badute webgunera joatea hemen klik eginez.
Oarsoaldea Garapen Agentziak laguntza jaso dezaketen establezimendu guztiei eskaera aurkeztera animatzen die, eta interesdunek zalantzak izanez gero badute agentziarekin harremanetan jartzea 943 49 41 29 zenbakira deituz.