Hasi da Musikasteren 50. edizioa
Maria Jose Barandiaran eta Iagoba Fanlok osaturiko bikoteak eman zioten hasiera aste musikatuari. Hamarnaka lagun elkartu ziren.
Iagoba Fanlo biolontxelo jotzailea, atzoko kontzertuko une batean. Atzo, Maria Jose Barandiaran pianojoleak eta Iagoba Fonlo biolontxelo jotzaileak Madalena Ermitan eskaini zuten emanaldiarekin batera, hasiera eman zitzaion Musikasteren 50. urteurrenari. Hamarnaka lagun elkartu ziren bikotearen musika emanaldiaz gozatzeko.
Maiatzaren 28ra arte, bada, musika eskaintza zabala antolatu dute egitasmoaren baitan. Esaterako, gaur arratsaldeko 19:00etan Miren Urbieta abeslariak eta Ruben Fernandez pianojoleak kontzertua eskainiko dute Fatima parrokian. Sarrerek 7 euro balio dituzte, eta eskuragarri daude esteka honetan. Bestela, Eresbilen webgunean egunotako eskaintza guztia kontsultatu daiteke.
