Euskararen astea ospatu du Elizaldek, hamaika ekintza eta ekitaldirekin
Hilaren 16tik 20ra askotariko ekintzak egin dituzte, ikastetxearen arabera, "ikasleak euskarara erakartzeko" helburuarekin. HH eta LHko ikasleek egitarau oparoaz gozatu ahal izan dute.
Elizaldeko ikasle eta irakasleek euskararen astea ospatu zuten joan den astean, hilaren 16tik 20ra hain zuzen. Egun horietan zehar askotariko ekintzak egin dituzte, ikastetxearen arabera, “ikasleak euskarara erakartzeko” helburuarekin. HH eta LHko ikasleek egitarau oparoaz gozatu ahal izan dute.
Besteak beste, euskal kantuen bilduma osatu dute gelaka eta Moko txikiren ipuina irakurri eta grabatu dute elkarlanean. Horrez gain, Alaia Martin eta Xabat Illarregi bertsolarien saioaz ere gozatu dute txikiek. Olinpiadak ere egin dituzte astean zehar, eta Porrotx eta Marimototxek Zorionak Marimototx emankizuna eskaini dute. Ez dute aspertzeko tarterik izan.
“Ikasleen irria ikusita, aste zoragarri honek bere isla izango du, ezbairik gabe”, erantsi dute ikastetxeko iturriek.
