Bizardia elkartearen XLI. Ibilaldi Neurtua, igandean

Done Eztebe plazatik abiatuko dira herritarrak, 7:30ean. Guztira, bost ordu eta erdi inguruko ibilaldia egingo dute.

bizardia ibilaldia 2018

Bizardia elkarteko mendi taldeak XLI. Ibilaldi Neurtua antolatu du iganderako (hilak 29), udalaren laguntzarekin. Done Eztebe plazatik abiatuko dira herritarrak, 7:30ean. Pikoketara aldera abiatuko dira tipi-tapa, Irungo bidea hartuko dute, eta Gurutzen bukatuko dute txangoa. Juan Jose Arabolaza Lizarralde izango dute presente aurtengoan, haren omenezko ibilaldia izango baita.

Taldeka aterako dira, minuturik minutura. Guztira, bost ordu eta erdi inguruko ibilaldia egingo dute.

Izen emateak atera aurretik egin beharko dira, Done Eztebe plazan bertan, bost euroren truke.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.