Asteburuko irteera egingo du Itsastarrak-ek, Errioxara
Larunbatean eta igandean Tierra de Cameros ingurua ezagutzeko bidaia egingo dute. Bi gaztelura igoerak egingo dituzte.
Trintxerpeko Itsastarrak Mendi taldeak, Herrerako Mendizaleak elkartearekin batera, Errioxako gailurretara joateko irteera antolatu du astebururako. Larunbatean (hilak 28) joango dira Errioxako Tierra de Cameros aldera, eta igandean bueltatu. Larunbateko irteera 06:30ean egingo dute Trintxerpeko kaitik, ondoren, Herrerako lagunak 06:35ean jasotzeko topo geltokian.
Larunbatean, Viguerako gaztelura txangoa egingo dute, 1.049 metroko gailurrean dagoena. Igandean, beste gaztelu batera igoko dira, Vinuesakora zehazki (2.083 metro).
Izena emateko aukera zabalik dago. Hori egiteko, honako telefono zenbakietara deitu behar dute interesdunek: 692 126 757 (Pilar) edo 679 731 034 (Asier).
