Mural pintaketa eta arku jaurtiketa egingo dute herriko gazteek bihar
Adin Txikikoen Mahaiak bi jarduera antolatu ditu biharko 12-16 urte bitarteko gazteentzat: mural pintaketa Alaiart-ekin eta arku arku jaurtiketa Kuydo Kaburaya elkartearekin.
Iaz herriko haurrek Alaiart-ekin batera mosaikoa egin zuten bidegorrian. Argazkia: Haurtzaro Ikastola. Herriko gazteei arratsalde ezberdin eta dibertigarria eskainiko die bihar Adin Txikikoen Mahaiak, hainbat jarduera antolatu baitituzte 12-16 urte bitarteko oiartzuarrentzat. 17:00etan mural pintaketa egingo dute elkarlanean bertaratutakoek Alaia Gaztelumendi Alaiart-ekin (kiroldegiko parkingean). Ordu berean, baina Elizaldeko pilotalekuan kasu honetan, arku jaurtiketa egingo dute (Kuydo Kaburaya elkarteko kideekin).
