Datozen egunetan bi final handi, Oiartzunen
Gaur bertan, pasaka eskuz modalitatean, Oiartzungo XI. Txapelketa Herrikoiaren finala jokatuko da. Asteazkenean, berriz, VII. Gipuzkoako Txapelketako finala.
Gaur arratsaldean, 19:30etan, Kontzejupean emango diote hasiera Oiartzungo XI. Txapelketa Herrikoiaren finalari. Pasaka eskuz modalitatean, gaztetxoak izango dira lehiatzen lehenak: Caetano eta Etxeberria, Iturain eta Oiartzabalen aurka. Ondoren, final herrikoiaren txanda izango da: Etxabe eta Etxabe, Ugalde eta Ugalderen aurka.
Asteazkenean berriz, eguerdiko 13:00etan emango diote hasiera VII. Gipuzkoako Txapelketaren finalari. Final handian Karrera eta Urbieta II, Ormazabal eta Urbieta I-aren aurka lehiatuko dira Kontzejupean.