Bueltan da Enrique Abril Errebote Txapelketa

59. edizioa izango da aurtengoa. Bederatzi taldek parte hartuko dute, tartean, Txost klubak.

Enrique Abril txapelketako edizio bat

Txost klubak jakinarazi duenez, bueltan da Enrique Abril Errebote Txapelketa, 59. edizioa izango da aurtengoa. Bederatzi taldek parte hartuko dute, tartean oiartzuarrek, hiru taldeko hiru multzotan banatuta. Partida guztiak Oiartzunen, Zubietan eta Villabonan jokatuko dituzte.

Oiartzungo partidak errebote plazan jokatuko dira, ondorengoak jasoko ditu herriak: irailaren 4an, 15:30ean, Noizbait taldearen eta Kanboarrak taldearen kontrako partida; irailaren 18an, 9:00etan, Txostek Kanboarrak izango du aurkari eta 11:00etan Luzean-Zaharrer Segi partida jokatuko dute; irailaren 25ean berriro Txostekoen txanda izango da, oraingoan Noizbait-en kontra neurtuko dira, 10:30ean.

Ordutegiak jada zehaztu dituzten arren, klubetik aurreratu du balitekeela 18ko eta 25eko partiden ordutegiek aldaketarik jasatea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.