Haurdunaldian eta erdiondoan hildako haurren omenezko liburu foruma, Noski! liburudendan
'¿Donde Estas?' eta 'Hirugarrena Orduan' albumen egileetako batzuekin topaketa egingo dute hilaren 15ean.
Datorren hilaren 15ean (larunbata da) haurdunaldiko eta erdiondoko doluaren oroimen eguna da, eta horren harira liburu forum berezia egingo dute Noski! liburudendan, Heriotza Haurrekin elkartearen egitasmoz. 12:00etatik aurrera ¿Donde Estas? eta Hirugarrena Orduan albumen egileetako batzuekin topaketa egingo dute, haurdunaldian eta erdiondoan zendutako haurren oroimenez. Ondoren, udaletxea haien omenez argiztatuko dutela jakinarazi dute antolatzaileek.