'Zer ari da gertatzen Iranen?' galderari erantzungo dio Maryam Fathik
Hilaren 25ean hitzaldia antolatu dute. Fathi Euskal Herrian bizi den aktibista kurduak emango du solasaldia.
Iranen eta beste hainbat herrialdetan protesta uholdea sortu du Misha Aminiren atxiloaldiko heriotzak.
Emakumeen iraultza Iranen hitzaldia antolatu dute Oiartzungo Udalak eta Oiartzungo Feministen Asanbladak. Datorren asteartean, hilak 25, izango da hitzaldia, udaletxeko pleno aretoan. 18:30ean hasiko da, eta Maryam Fathi izango da hizlaria.
Fathi aktibista kurdua da, eta Euskal Herrian bizi da 2015etik. Bere jatorri berbera zuen Masha Amini irailaren 13an atxilotu zuten Teheranen, janzkera “desegokia” eramateagatik. 22 urteko emakumea hiru egunera hil zen, koman hiru egun egon ondoren.
Aminiren senideek esan zuten kolpeak zituela, eta poliziari egotzi zioten hilketa. Ordutik, hamarnaka protesta piztu dira bai Iranen, baita beste herrialde batzuetan ere. Emakumeak burua estaltzeko zapiak erre dituzte, baita ile xerloak moztu ere.
Hilabete batean 150 manifestari hil dituzte, ehunka zauritu dituzte eta beste milaka atxilotu.
Fathik herrialde hartan gertatzen ari dena hurbilaraziko die oiartzuarrei.
