Orereta Ikastolak ekitaldi irekia egingo du Lekuona Fabrikan, arratsaldez. 70 lagunetik gora igoko dira oholtzara: ikasleak, gurasoak, ikasle ohiak, dantzariak, musikariak...
Datorren urteko Kilometroak antolatuko du Orereta Ikastolak. Lekukoa jada jasota, orain leloa eta irudia aurkezteko unea heldu da. Ostiralean (azaroak 4) egingo dute aurkezpen ofiziala, Lekuona Fabrikan. Ostiralekoa datorren urteko ospakizunari begira aurreikusitako hainbat jairen antolaketaren “mugarria” izango dela diote ikastolako iturriek.
19:00etan hasiko dute ekitaldia. 70 lagunetik gora igoko dira oholtzara, tartean nola ez, ikasle, senide eta langileak, eta haiekin batera, Zaria abesbatzako, Ereintza dantza taldeko, Kukai konpainiako eta Errenteriako Musika Bandako kideak ariko dira.
Bertaratzeko interesa duten herritarrek doako sarrera eskuratu beharko dute, esteka honetan.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
