Antolatzaileek jakinarazi dutenez, bertan parte hartu nahi dutenek aste honetan eman beharko dute izena, Ttur-tturrekin harremanetan jarrita.
Postua lehen aldiz jarri nahi dutenek harremanetan jarri beharko dute. 
Txerri Eguna egingo dute abenduaren erdialdean, eta Ttur-ttur Euskaltzaleon Bilgunea lanean ari da, eguna antolatzeko.
Horregatik, egun horretan postua jarri edo beste modu batean parte hartu nahi dutenei deia egin diete, izena eman dezaten.
Lehen parte hartu dutenekin jarri da harremanetan Ttur-ttur, eta aurreneko aldiz parte hartu behar dutenek idatzi beharko dute. Horretarako, e-posta bidez jarri beharko dira harremanetan, galdetegia jasotzeko.
Ttur-tturrek, halaber, sare sozialen bitartez zabalduko du inprimaki hori, Facebooken, Twitterren eta Instagramen.
Izena emateko epea bihar —azaroak 1— hasi eta igandean bukatuko da.
