Gazteok Arnas Eguna-ra joateko autobusa prestatu dute
Udalerri euskaldunetako gazteen topaketa egingo dute Larrabetzun, azaroaren 26an. Oiartzunen autobusa ater nahi dute.
Udalerri euskaldunetako gazteek egindako udalekuetako bat. Hilaren 26an egingo dute, Larrabetzun (Bizkaia), Gazteok Arnas Eguna. Udalerri euskaldunetako gazteen topaketa izango da, eta egun osorako egitaraua prestatu dute.
Oiartzunen autobusa atera nahi dute. Horretarako, izena eman beharko da, esteka honetan aurki daitekeen galdetegia betez. Izena emateko azkeneko eguna hilaren 21a izango da.
Honakoa izango da Gazteoak Arnas Egunaren egitaraua:
- 11:30ean: Ongi-etorria Larrabetzuko plazan, bertako gazteen eskutik.
- 11:30etik 13:00etara: Tailerrak (zirku tailerra, mural margoketa, ibilbidea…) aukeran.
- 13:00etan: Ekitaldia.
- 14:00etan: Bertso bazkaria (*aukera beganoa egongo dela iragarri dute).
- 17:00etan: Zo-Zongo perkushow taldearen emanaldia, Larrabetzuko kaleetan zehar.
- 19:00etatik aurrera: Kontzertuak Larrabetzuko Hori Bai gaztetxean (Kuluxka Klan eta DJ Nahia Novo).
