Eraberritze lanak direla eta, bi orduz ezingo da bertan aparkatu. Goizean arituko dira ibilgailurik gabe lanean.
Bihar goizean emango dizkiote azken ukituak. 
Oiartzungo Udala Euskal Herria plazako aparkalekua eraberritzen hasi zen duela bi aste. Pareta eta zutabeak pintatzen ari dira langileak.
Margotze-lanak zatika egin dira, ahalik eta eragozpen gutxien sortzeko. Lanekin bukatzeko, sarrera berritu eta atea kenduko dute.
Bihar izango da lan hori. Horretarako, aparkalekua itxi beharko dute. Sarrera itxita egongo da, eta ezingo da ez ibilgailurik sartu ezta atera ere.
08:30etik 10:30era bitartean izango dira lan horiek.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
