Oiartzunen 2.000 belarriprest eta ahobizi, baietz?
Euskaraldian 2.000 oiartzuarrek parte hartzeko erronka bota dute. Izena emateko eta txapak jasotzeko ordutegiak gogorarazi dituzte.
Fermiñene arratsaldero dago irekia txapa jasotzeko. Datorren ostiralean hasiko da Euskaraldia, eta abenduaren 2ra arte iraungo du ariketa sozialak. Oiartzunen erronka bota dute: baietz lortu 2.000 parte-hartzaile.
Ahobizi eta belarriprest izatera animatu dituzte. Oiartzuarrek izena eman eta txapa jasotzeko ordutegiaren berri ere eman dute.
Gaur eta ostegunean goizez jaso ahal izango da, 10:30etik 14:00etara, Fermiñenen. Arratsaldero bertan izango dira, 17:00etatik 20:00etara bitartean.
