Hilaren 17an, Txerri Egunean, egingo dute zozketa. Establezimenduetan egindako erosketekin batera emango dituzte boletoak.
Bezeroek erosketa bakoitzarekin jasoko dituzte zozketarako txartelak. 
Itturri Oiartzungo merkatarien elkarteak, urtero bezala, zozketa antolatu du. Txerri Egunean —hilaren 17an— izango da zozketa hori, eta hamar sari banatuko dituzte parte hartu duten bezeroen artean.
Atzo hasi ziren zozketako txartelak banatzen. Itturriko parte diren 31 establezimenduetako batean erosketak eginda jasoko dituzte bezeroek.
Papera beraien datuekin bete ondoren, dendara bueltatu beharko da. Horretarako azkeneko eguna hilaren 16a izango dela jakinarazi du Itturrik.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
