Gamon ikastetxeak 'Zurekin batera goaz!' lemapean ospatuko ditu 50 urteak
Urteurren biribila behar bezala ospatzeko askotariko ekitaldi eta ekintzak egingo dituzte datozen hiletan.
Gamon HLHI ikastetxeak 50 urte beteko ditu aurten, eta urtebetetze biribila behar bezala ospatzeko hainbat ekitaldi egingo dituzte datozen hiletan. Zurekin batera goaz! izan da ospakizunetarako aukeratu duten leloa.
Ondorengoa da ospakizunen harira antolatutako egitaraua:
- Hilak 18 (asteazkena): Inaugurazio ekitaldia egingo dute, 12:00etan, Cristobal Gamon ikastetxean.
- Otsailean zehar Kaldereroak eta Inauteriak ospatuko dituzte.
- Martxoak 25 (larunbata): San Markora irteera egingo dute Guraso Elkartekoekin, eta bueltan merienda eta musika izango da.
- Martxoak 31 (ostirala): Eriz Magoaren emanaldia.
- Apirilak 21 (ostirala): Ipuin musikatua egingo dute Oihan Vegarekin eta HH eta LH 1. zikloko ikasleentzat.
- Maiatzak 13 (larunbata): Bazkaria egingo dute, eta eguna bukatzeko dantzaldia egingo dute Oihan Vegarekin.
Zerrendatutako ekitaldiez gain, gehiago egiteko asmoa du ikastetxeak. Komunitate osoarekin batera antolatu nahi dituzte aurtengo ospakizunak, haiekin harremanetan jartzera deitu dituzte ikasle, irakasle, guraso, ikasle ohi eta langileak. Helbide honetara idatzi edo 943 89 91 38 telefono zenbakira deitu daiteke horretarako.
