Hilaren 5, 12 eta 26an herriko hainbat auzotan barrena ariko dira txistulariak.
Udal txistulari taldeak hainbat kontzertu eskainiko ditu datozen asteetan, horien berri eman du udalak.
Lehena igande honetan (hilak 5) izango da. 9:00etatik aurrera diana eskainiko dute Kaputxinoetako auzoan. Auzoa alaitu ondoren, udaletxean bukatuko dute ibilbidea. Santa Ageda eta Ageda deuna doinuak eskainiko dituzte.
Hileko bigarrena hilaren 12an (igandea da) izango da. 12:30etik aurrera inauteri giroko kontzertua emango dute herriko plazan. Herri Arte Eskolako txistu, perkusio eta dantza ikasleekin batera ariko dira udal txistulariak.
Hilaren 26an (igandea) eskainiko dute hileko azkena. Oraingo honetan Fanderia, Gabierrota eta Lartzabal auzoak girotuko dituzte txistulariek, 9:00etatik aurrera. Udaletxean bukatuko dute ibilbidea.
