Arramendiko sekretuak ezagutzeko irteera
Arramendiko parkea beste modu batera ezagutzeko aukera emango du Ibaiaren Etxeak datorren hilaren 19an. Bisita gidatu berezia egingo dute.
Arramendiko parkea beste modu batera ezagutzeko aukera izango da datorren hilaren 19an (igandea da), Fanderiako Errotako Ibaiaren Interpretazio Zentroak bisita gidatu berezia antolatu baitu. 10:30etik 13:30era luzatuko dute irteera. Doakoa izango dela aurreratu du udalak, baina aldez aurretik izena eman beharko da.
Hainbat txoko berezi bisitatuko dituzte herritarrek, tartean, mugarri misteriotsuak, karlistaden garaiko gotorlekuaren arrastoak, basoa, tontorra…
Bestalde, Ibaiaren Etxeko iturriek gogoraraziz dute hileko bigarren asteburuetan bezalaxe, honetan ere ateak zabalduko dituela errotak, 10:30etik 14:00etara, barrualdea eta funtzionamendua ezagutu nahi dutenentzat. Ez da aurretik izenik eman behar.
Informazio gehiago eskuratzeko 943 49 45 21 telefono zenbakira hots egin daiteke.
