Furgoneta batean piztu den sua ikertzen ari dira
Goizaldeko bostetan furgoneta batek su hartu du Pikoketan. Segituan itzali dute, eta ikertzen ari dira ea nahita piztutakoa ala besterik gabe kixkali den.
Modu horretan geratu da ibilgailua. Pikoketa aldean, 05:30 inguruan, furgoneta batek su hartu du. Larrialdi zerbitzuak bertaratu dira, eta ordubetera sutea kontrolatuta zeukaten. Ondoko landarediari eragin dio, baita animalia batzuei ere, baina garrak ez dira urrutira joan.
Oiartzungo txoko guztietatik ikusi ahal izan da sutea, eta harridura eta kezka sortu du ikusi duten herritarren artean.
Ertzaintza ikertzen ari da ea sua bakarrik piztu den edo norbaitek su eman dion ibilgailuari.
Oiartzungo toki askotatik ikusi da sutea.
