Musika eta alaitasunez beteko dute Jesusen Bihotza egoitza
Errenteriako Musika Kultur Elkartearen egitasmoz, 'Zaharrak Berri' izeneko kontzertua eskainiko dute larunbatean. "Benetako musika gutizia" izango dela aurreratu dute.
Jesusen Bihotza adinekoen egoitza artxiboko irudi batean. Errenteriako Musika Kultur Elkartearen egitasmoz, Zaharrak Berri izeneko zikloa Gabierrotara itzuliko da, formatu txikiko musika proposamen batekin. Jesusen Bihotza Egoitza musikaz eta alaitasunez beteko dute larunbatean (hilak 25) hiru musikarik. 17:00etan hasiko dute saioa.
Sarrera doakoa izango dela aurreratu dute antolatzaileek, baina gogorarazi dute musukoa eraman beharko dela, adinekoen zentroan egingo baitute emanaldia.
Sorozabal, Shubert, FranÇois Gounod edo Moreno Torroba musikagile handien piezak joko dituzte, “benetako musika gutizia” izango dela aurreratu dute. Saioa Goñi Maiza sopranoa, Luken Munguira Santos tenorra eta Sofia Chachon Chmelikova piano jotzailea igoko dira oholtzara.
