Mutilen taldeak bi puntu utzi ditu Karla Lekuonan
Korner batean egindako akats baten erruz bi puntu oparitu ditu Oiartzunek. Areto futboleko talde nagusiak erraz irabazi du.
Larunbat arratsaldean ateratako hamaikakoa. Oiartzun Kirol Elkartearen gizonen talde nagusiak bi puntu utzi zituen larunbatean Ugaldetxon. Lortutako puntuak zapore mikatza utzi zien oiartzuarrei.
Izan ere, Lagun Onak-en kontrako partida kontrolpean izan zuten hasieratik, eta horrela iritsi zen Aitzuriren gola, 25. minutuan.
Azpeitiarrek, baina, kornerreko jokaldi batean lortu zuten berdintzea, partida osoan atera egin zuten jaurtiketa bakarrean. Banakoarekin iritsi ziren aldageletara, eta bigarren zatian, gogor saiatu arren, oiartzuarrek ez zuten garaipenaren golik aurkitu.
Kale eta bale
Areto futbolari dagokionez, lehen taldeak Herrikide taldearen bisita jaso zuen. Tolosarrek hiru gol sartu zituzten kontraeraso azkarretan, baina oiartzuarrek partidaren kontrola hartu eta partida hiruna berdintzea lortu zuten.
Partida kontrolpean zirudienean, tolosarrak berriro aurreratu ziren, baina atsedenaldira launako emaitzarekin iritsi ziren. Bigarren zatia, aukerak sortu arren, ez zen markagailuan aldaketa zororik egon, eta gol bakarra izan zen: etxekoena.
Oiartzun bosgarren postuan da, hirugarren postutik bi puntura.
Miren Taberna taldeak, berriz, Laubururen kantxan jokatu zuen. Goian presionatzen hasi ziren oiartzuarrak, eta lapurtutako baloiekin aukeraren bat edo beste sortzea lortu zuten.
Ibartarrek, hala ere, min handia egin zuten, eta atsedenaldira 4-0 iritsi ziren. Oiartzuarrek arriskuak hartu, eta atezain-jokalaria atera zuten. Hala ere, gauzak ez ziren behar bezala atera, eta 8-2 bukatu zen partida.
FUTBOLA
Emakumeen Lehen Nazional Maila
- Atseden izan du Oiartzunek.
Gizonezkoen Ohorezko Erregional Maila
- Oiartzun – Lagun Onak: 1-1.
Emakumeen Euskal Liga
- Atseden izan du Oiartzunek.
Gizonen Gorengo Maila
- Usurbil – Oiartzun: 1-1.
Emakumeen Gorengo Maila. Igoera Fasea
- Oiartzun – Elgoibar: 0-6.
Mutilen Gazte Mailako Nazional Maila
- Real Sociedad B – Oiartzun: etzi jokatuko dute.
Mutilen Gazte Mailako Gorengo Maila
- Oiartzun – Real Union: 1-1.
Mutilen Gazte Mailako Lehen Maila. Kopa
- Oiartzun – Behobia: 1-2.
ARETO FUTBOLA
Gizonen Gipuzkoako Lehen Maila
- Oiartzun – Herrikide: 5-4.
Gizonen Gipuzkoako Bigarren Maila
- Lauburu Ibarra – Miren Taberna: 8-2.
