Landetxe eraikinari dagozkion hiru puntu, otsaileko plenoan
Eraikin balioanitzari buruzko prozedura administratiboak izango dituzte aztergai. Hiri hondakinen bilketa zein udal eraikinen garbiketa, hizpide.
23 puntuko gai-zerrenda izango dute. Etzi arratsean egingo dute otsailari dagokion ohiko udalbatzarra, martxoaren 1a izan arren. Ohi bezala, udalbatza osatzen duten ordezkari politikoak 18:00etan elkartuko dira, pleno aretoan.
Azken hilabeteetako gai-zerrendarik luzeena izango du, 23 puntu izango baititu. Honakoak izango dira aztertuko dituztenak:
- Aurreko batzarrari dagokion aktaren onarpena.
- 2023 urteko zerbitzuak eskaini edo udal jarduerak burutzeagatik prezio publikoak arautzen dituen ordenantzaren akats zuzenketa hasieraz onartzea.
- 2023. urteko araugintza-plana onartzea.
- Oiartzungo udalerrian udal hondakinak bildu eta tratatzeko zerbitzua arautzen duen ordenantzaren hasierako onarpena.
- Oiartzungo Euskara Sustatzeko Ekintza Plana (ESEP) urtebetez luzatzea (III Plan Estrategikoa 2018-2022)
- Mendiburu kalea 14ko zerbitzu anitzeko udal ekipamenduko 1. fasearen (eraispen proiektua) eta 3. fasearen (oinarrizko eta gauzatze proiektua) lanen kontratuaren azken obra ziurtagiria eta likidazioa onartzea.
- Mendiburu kalea 14ko zerbitzu anitzeko udal ekipamenduko 1. fasearen (eraispen proiektua) eta 3. fasearen (oinarrizko eta gauzatze proiektua) lanen kontratuan prezioen salbuespenerako berrikuspena.
- Landetxeko taberna-jatetxearen ostalaritza zerbitzua kudeatu eta ustiatzeko emakida kontratuaren esleipena onartzea.
- Oiartzungo udal eraikinen garbiketa zerbitzu-kontratuaren luzapena.
- Oiartzungo udal eraikinen garbiketa zerbitzu-kontratuaren aldaketa.
- 2023. urtean gizarte larrialdietarako laguntza eskaerak emateko irizpideak onartzea eta deialdia egitea.
- Oiartzungo ikastetxeei 22/23 ikasturteko E1 Eskola Kirola, Eskola pilota, Muittu! eta eskola ordugaineko ekintzen koordinazio egitasmoak sustatzeko hitzarmenak sinatzea eta dirulaguntza ebaztea.
- Oiartzuarren Baitan, Txerri Eguna, Euskara Elkartera, Motibazio Saioak Gazteentzat eta Kuadrillategi programak gauzatu ahal izateko Udala eta TTUR-TTUR Euskaltzaleon Bilgunearen arteko 2019-2022 tarterako lankidetza hitzarmenaren arabera, 2022ko memoria eta kitapena aurkeztu eta onartzea.
- Udala eta Hitz Hots Kultur Elkartearen arteko 2019-2022 tarterako lankidetza hitzarmenaren arabera, 2022ko memoria eta kitapena aurkeztu eta onartzea.
- Oiartzungo ahozko ondarea jasotzeko Oiartzuarren Baitan egitasmoa gauzatu ahal izateko Udala eta Ttur-Ttur Euskaltzaleon Bilgunea kultur elkartearen arteko lankidetza hitzarmena onartzea.
- Oiartzungo Udala eta Hitz Hots Kultur Elkartearen arteko lankidetza hitzarmena onartzea.
- 2023an Oiartzunen aurreikusitako kultur ekitaldiak antolatzeko herriko elkarteei dirulaguntzak banatzeko gastua onartzea eta lehen zatia ordaintzea.
- Oiartzungo Udala eta Haurtzaro Ikastolaren arteko hitzarmena eta 2023. urteko dirulaguntza onartzea.
- Txarondo herri-bidea itxi izanagatik jabari publikoko ondasuna berreskuratzeko espedientea hastea.
- Beste ekitaldietako ordainagiriak baliogabetzea.
- 2022ko laugarren hiruhilekoari dagokion aurrekontuaren exekuzioaren, aurrekontuz kanpoko mugimenduen eta diruzaintzaren egoeraren berri ematea.
- Beste organoen jardueraren jarraipena.
- Eskari-galderak.
