Oiartzunek garaipen sendoa lortu du Bilbon
San Ignacioren etxean irabazi dute neskek, partida fisiko bat jokatu ondoren, eta arerioen zazpi garaipeneko bolada eten dute.
San Inazioko zelaian ateratako hamaikakoa. Oiartzungo emakumeen taldeak partida oso zaila zuen asteburuan. Bilboko San Inazio auzoan jokatu zuten; bertako taldeak zazpi garaipen zeraman jarraian.
Konfiantzaz lepo zegoen arerioaren kontrako partida oso fisikoa izan zen. Bilbotarrak hobe hasi ziren, aukerak sortuz. Hogeigarren minutuan, baina, oiartzuarrak aurreratu ziren, kornerreko jokaldian. Lehen zatian izandako gol bakarra izan zen.
Atsedenaldiaren bueltan, sendoago aritu ziren oiartzuarrak, eta bigarren eta hirugarren golak sartu zituzten, garaipena lortu eta sailkapeneko laugarren postuan finkatzeko. Monteren —bosgarren sailkatuak dira— bisita jasoko dute asteburuan.
Gizonek, pott
OKEren mutilen talde nagusiak Bergaran jokatu zuen. Sailkapenaren beheko aldean dauden arren, bergararrak hobe aritu ziren defentsan.
Izan ere, laugarren minutuan sartu zuten partidako gol bakarra, eta hortik aurrera atea defendatzera mugatu ziren, emaitza ona lortuz.
Areto futboleko derbia
Areto futboleko lehen mailako taldeak, Lezon, Gaintxuren kontra. Lehenengo zatiaren kontrola eraman zuten oiartzuarrek, baina kontraeraso batean lezoarrak aurreratu ziren.
Bigarren zatia hasi eta zazpi minutura, oiartzuarrek berdinketa lortu zuten. Partida bukatzeko ordu laurden falta zenean, lezoarrak berriro aurreratu ziren, eta oiartzuarrak atezain-jokalaria atera zuten. Ahalegina hutsala izan zen, baloia lapurtu ondoren lezoarrek hirugarren gola lortu zuten.
Emakumeen Lehen Nazional Maila
- San Ignacio — Oiartzun: 0-3.
Gizonezkoen Ohorezko Erregional Maila
- Bergara — Oiartzun: 1-0.
Emakumeen Euskal Liga
- Betiko Neskak — Oiartzun B: 0-2.
Gizonen Gorengo Maila
- Oiartzun B — Astigarragako Mundarro: 0-3.
Emakumeen Gorengo Maila. Igoera Maila.
- Antiguoko B — Oiartzun C: 3-0.
Mutilen Gazte Mailako Nazional Maila
- Oiartzun — Antiguoko B: 1-2.
Mutilen Gazte Mailako Gorengo Maila
- Lengokoak — Oiartzun B: 1-1.
Mutilen Gazte Mailako Lehen Maila. Kopa
- Landetxa — Oiartzun C: 4-0.
ARETO FUTBOLA
Gizonen Gipuzkoako Lehen Maila
- Gaintxu — Oiartzun KE: 3-1.
Gizonen Gipuzkoako Bigarren Maila
- Miren Taberna OKE — Goierri: Atzeratuta.
