Joana Mendibururen hautagaitza aurkezteko ekitaldia, igandean
EH Bilduk ekitaldia egingo du datorren igandean, udaletxeko pleno aretoan. Egungo alkateak eta izan nahi duenak hartuko dute hitza.
Joana Mendibururen hautagaitza aurkeztuko dute. Oiartzungo EH Bilduk duela aste batzuk iragarri zuen nor izango zen maiatzaren 28ko hauteskundeetako zerrendaburua. Joana Mendiburu Garaiar izango da, eta datorren igandean —hilak 19— ekitaldia egingo dute bere hautagaitza aurkezteko.
Egungo alkateak, Jexux Leonetek hartuko du lehendabizi hitza, eta alkategai berria aurkeztuko du. Joana Mendiburuk egingo du hitzartze nagusia, bere buruaren aurkezpena egin eta etorkizuneko asmoen berri emanez.
Aurkezpen ekitaldia udaletxeko pleno aretoan izango da, 12:00etan hasita.
