Imaz eta Lasok igandean jakingo dute final handiko arerioa
Atzelari oiartzuarrak eta aurrelari nafarrak osatutako bikoteak larunbatean lortu zuen finalerako txartela. Finalean, Altuna-Tolosa edo Elordi-Zabaleta.
Unai Laso eta Ander Imaz izango dira lehen finalistak [Arg.: Baiko]. Sufrituta, baina Ander Imaz atzelari oiartzuarrak eta Unai Laso aurrelari nafarrak osatutako bikoteak Binakako Txapelketako finalerako txartela lortu zuten larunbat arratsaldean irabazita. Hori bai, Baikokoek atzoko partidara arte itxaron behar izan zuten pasatu zirela.
Finalerdietako bigarren partida irabazi zieten Elordiri eta Zabaletari. Nahiko partida orekatua izan zen, 15-10eko partziala kenduta (Imaz eta Lasoren alde).
19-15ko emaitzarekin, urdinek lau tanto jarraian egin zuten, eta oiartzuarra eta nafarra urduri antzean ibili ziren. Hala ere, azken hiru tantoetan ez zuten hutsik egin.
Atzoko partidan Altuna eta Tolosa nagusitu ziren, eta datorren igandean jokatuko dute beste txartela Elordi eta Zabaletaren kontra.
Finala apirilaren 2an jokatuko dute, Iruñeko Nafarroa Arenan.
