Hika aritzeko ikastaro praktikoa antolatu dute
Ttur-ttur Euskaltzaleon Bilguneak sei saioko ikastaroa antolatu du, apirilaren 20an hasi eta maiatzaren 25era arte.
Iaz egin zuten Hikodromoaren irudia. Ttur-ttur Euskaltzaleon Bilguneak hitano ikastaro praktikoa antolatu du. Apirilaren 20an hasiko da, eta maiatzaren 25ean izango da azkeneko saioa.
Sei saio izango dira guztira, ordu eta erdikoak. Hika hitz egiten hasteko, hobetzeko edo ohitura hartzeko saio praktikoak izango dira.
Kiroldegiko bilera gelan elkartuko dira, ostegunero. Hasiera ordua 18:00etan izango da.
Izena emateko epea zabalik dagoela jakinarazi du Ttur-tturrek, eta apirilaren 16a izango da azkeneko eguna. Horretarako galdetegi bat bete beharko dute interesdunek.
Informazio gehiago nahi duenak, 943 26 01 82 telefono zenbakira dei dezake, edo e-posta bidez idatzi.
Oiartzuerazko esamoldea
Bestalde, Ttur-tturrek martxan daukan oiartzuera sustatzeko dinamikaren aste honetako hitza izki-mizki da. Memeak egin eta sareetan zabaltzera animatu dute.
