Haur nesketan San Juan izan da garaile
Astebeteko etenaldiaren ostean, hilaren 15ean itzuliko da Gipuzkoako Batel Liga. Hilaren 15ean Txapelketako lehen saioa jokatuko da Pasai Donibanen, 16:30ean hasita. Sailkatzea lortzen dutenek, bigarren hitzordua izango dute hilaren 16an, 10:00etan, Pasai Donibanen berriro.
Ontziak Tolosan. Argazkia: Hubaika Gipuzkoako Batel Ligako hamargarren jardunaldia jokatu zuten Oarsoaldeko ontziek igandean. Tolosan aritu ziren San Juan, San Pedro, Hibaika eta Illunbeko arraunlariak. Eguraldiak ez bazuen lagundu ere, sasoiko aritu ziren talde denak, txukun, aurreko estropadetako emaitzak eusten. Haur Mailako Nesketan San Juangoen ontzia izan zen ibilbidea osatzen lehena (05:31,10) eta hamasei puntu poltsikoratu zituzten. Denbora osatzen hurrengo Oarsoaldeko ontzia San Pedro A izan zen; bosgarren sailkatu ziren. Hibaika B seigarren izan zen, eta Errenteriakoen A eta C ontziak, berriz, hamabigarren eta hamahirugarren sailkatu ziren, hurrenez hurren. San Pedro B ontzia, azkena sailkatu zen.
Haur Mutiletan San Pedro A eta B ontziak, bigarren eta hirugarren sailkatu ziren, eta San Juango ontzi mixtoa, berriz, laugarren. Koxka bat beherako sailkatu zen Hibaikako mutilen ontzia atzoko saioan. Orain arte laugarren postuari eutsi diote Etxetxo ontzikoek, baina atzo, bosgarren sailkatu ziren eta ez zuten gainera, punturik jaso, ontzi mixtoarekin aritu baitziren. San Pedroren ontzi mixtoa, seigarren izan zen, eta Illunbeko talde mixtoak itxi zuen taula, bederatzigarren.
Promesetan, nesketan, San Juan A ontzia, hirugarren sailkatu zen; Hibaika A, zortzigarren; eta San Pedro A, bederatzigarren. Hibaika B ontzia hamalaugarren izan zen, eta San Pedro B hamabosgarren.
Promesa mutiletan, San Juan A ontzia bigarren sailkatu zen atzoko estropadan eta San Pedro A, seigarren.
Gazte Mailako ontziek zein Absolutu Mailakoek ez zuten atyzo lehiarik izan, estropada eremuak ez zuelako distantzia nahikoa ematen haien parte harztea bermatzeko.
Astebeteko etenaldiaren ostean, hilaren 15ean itzuliko da Gipuzkoako Batel Liga. Hilaren 15ean Txapelketako lehen saioa jokatuko da Pasai Donibanen, 16:30ean hasita. Sailkatzea lortzen dutenek, bigarren hitzordua izango dute hilaren 16an, 10:00etan, Pasai Donibanen berriro.
Igandeko estropadako sailkapen osoa hemen klik eginda.
