Arraguako bertso afarirako sarrerak salgai daude
Maialen Lujanbio eta Andoni Egaña bertsotan arituko dira maiatzaren 13an, Arraguako festen barruan. Txartelak lau tokitan eros daitezke.
Andoni Egaña eta Maialen Lujanbio arituko dira Arraguako bertso afarian. Maiatzean egingo dituzte Arraguako festak, herriko auzoetako lehenengoak, eta bertso afaria izango da egingo duten ekitaldietako bat.
Andoni Egaña eta Maialen Lujanbio bertsolariak arituko dira Aldeguna elkartean, 21:00etan hasiko den bazkarian.
Maiatzaren 13an izango da afaria, eta jada jarri dituzte txartelak salgai. Landetxe, Miren, Kastro eta Kabitxo tabernetan salgai daude txartelak, 25 euroren truke. Maiatzaren 7a izango da sarrerak erosteko azkeneko eguna, ordurako agortzen ez badira.
Menuaren berri eman dute: txorizoa, bakailao tortilla, saiheskia, postrea eta kafea eta edariak.
