Haurrentzako filma eta bakarrizketa, asteburuan Landetxen
Beatriz Egizabalek 'Magma Mia' bakarrizketa eskainiko du igandean. 'Nire zirkua' haurrentzako filma, ostiral arratsaldean.
'Nire zirkua' filmaren fotograma bat. Datorren asteburuan Landetxe eraikineko auditorioan egongo da zerekin gozatzeko aukera. Ostiral arratsalderako haurrentzako zinema emanaldia programatu dute.
Nire zirkua filma emango dute, 17:00etatik aurrera. Sarrerak webgunean eros daitezke, hiru euroan, eta ostiralean bertan salgai jarriko
Bereziki LH 4, 5 eta 6ko haurrei dago zuzendua eta nerabezaro garaian izaten diren kezkak agerian uzten ditu filmak. Honakoa da sinopsia:
Zirkuko familia batean jaioa, 12 urteko Laurak bere bizitza gaztearen zati handi bat biran eman du, Bill aita bakar eta pailazo profesionalarekin. Baina, ezkutuan, bizitza tradizionalago bat amesten du. Bere ahalmen akademikoa aitortzen dion irakasle berriari esker, Laurak bere ametsa betetzea lortzen du: eskola pribatu batera joatea… Bill espiritu libreak onar dezake “bere neska txikia” beste ezpal batekoa dela?
Magma mia
Igande arratsaldean, berriz, antzezlanaren txanda izango da. Beatriz Egizabalek Magma mia bakarrizketa taularatuko du, 19:00etan.
Bakarrizketa feminista da, militantziatik duena, baina baita umoretik ere.
Sarrerak 8 euroan eros daitezke, webgunearen bitartez. Pasa den abendurako zegoen programatuta, baina atzeratu egin zuten. Jakinarazi dutenez, orduko sarrerak balioko du iganderako.
