Tren Berdea eta hegaztien kantuak, hileko eskaintza Arditurrin
Datorren larunbatean Tren Berdeak Pagoaldea eta Arditurri lotuko ditu, prezio bereziekin. Hilaren 22an txori-kantuak ezagutuko dituzte, ibilaldi batean.
Larunbat goizean hiru joan-etorri egingo ditu Tren Berdeak. Arditurriko parketxeak bi eskaintza prestatu ditu apirilerako. Lehenengoa datorren larunbatean bertan izango da.
Tren Berdeak Pagoaldea eta Arditurri lotuko ditu. 10:00etan, 11:00etan eta 12:00etan irtengo da, eta ordu eta erdi geroago izango dira bueltako bidaiak.
Bitartean, Arditurriko meategiak bisitatzeko aukera izango da. Sakoneko bisitak 7 euro balioko ditu 12 urtetik gorakoentzat, eta 5 beherakoentzat. Oinarrizko bisiten prezioak 5 eta 3 eurokoak izango dira.
Aldez aurretik tokia erreserbatu beharko da, 943 495 069 edo 688 895 068 telefono zenbakietara deituta.
Txori-kantak identifikatzea
Hilaren 22rako, berriz, ibilaldia antolatu dute. Udaberria dela aprobetxatuta, txori-kantak ezagutzeko ibilaldia egingo dute.
Mikel Olano adituak azalpenak emango ditu, 10:00etatik aurrera. Bisitak bost euroko prezioa izango du, eta aldez aurretik hartuko beharko da tokia, 943 495 069 edo 688 895 068 zenbakietara deituta.
Ibilaldiak bi ordu inguru iraungo ditu. Txoriak ikusi ahal izateko, prismatikoak eramatea gomendatu dute.
