Oporren ondorengo sindromearekin bueltatu dira OKEko neskak
Lehenengo zati bikain baten ondoren, bigarren zatian guztiak okerrera egin du, eta Mulierrek eraman ditu hiru puntuak Ugaldetxotik.
Oiartzuarrak ongi hasi ziren, baina gero dena hankaz gora joan zen. Oiartzungo emakumeen talde nagusia lehiara bueltatu dira asteburu honetan. Ongi baino hobeto hasi zuten partida, Mulier erabat gaindituz. Modu horretan, Rebeccak partidako lehenengo gola lortu zuen.
Atsedenaldia iritsi baino lehenago beste hiru aukera oso garbi izan zituzten, baina ez zuten asmatu. Bigarren zatian, baina, lan bikain horren arrastorik ez zen antzeman.
Inolako arrazoirik gabe, oiartzuarrek pott egin zuten, eta urduri jokatu zuten. Mulierr bere arean gotortu zen, eta eta horrek ez zituen gauzak erraz jarri.
Egoera horrek akatsak sorrarazi zituen etxeko taldeko jokalarien artean, eta modu horretan, nafarren golak iritsi ziren. Bi kontraeraso eta kornerreko jokaldi bat nahikoa izan zituzten horretarako.
Oiartzunek sailkapeneko laugarren postuan jarraitzen du.
FUTBOLA
Emakumeen Lehen Nazional Maila
- Oiartzun — Mulier: 1-3.
Gizonezkoen Ohorezko Erregional Maila
- Oiartzunek atsedena izan du.
Emakumeen Euskal Liga
- Oiartzun B-Goierri: 1-0.
Gizonen Gorengo Maila
- Oiartzun Bk atseden izan du.
Emakumeen Gorengo Maila. Igoera Fasea
- Oiartzun Ck atseden izan du.
Mutilen Gazte Mailako Nazional Maila
- Hernani – Oiartzun: 1-0.
Mutilen Gazte Mailako Gorengo Maila
- Oiartzun B – Gure Txokoa: 2-3.
Mutilen Gazte Mailako Lehen Maila. Kopa
- Oiartzun Ck atseden izan du.
ARETO FUTBOLA
Gizonen Gipuzkoako Lehen Maila
- Oiartzunek atseden izan du.
Gizonen Gipuzkoako Bigarren Maila
- Miren Tabernak ez du partidarik jokatu.
