'Min(BIZI)' podcasta zuzenean ikus-entzuteko aukera, Landetxen
Izan Inurri elkartearen saioa zuzenean ikusi ahal izango da hilaren 11n. Doluari buruzko arituko dira 'Hil arte bizi' izeneko saioan.
Izan Inurri elkarteak egiten duen Min(BIZI) podcasta zuzenean ikus-entzuteko aukera izango da datorren ostegunean, hilak 11. Landetxen izango da, 18:30ean hasita.
Udaleko Feminismo Sailaren Ostegun feministak dinamikaren barruko ekitaldia izango da. Podcastaren saio bakoitzean gai bat jorratzen dute, eta Oiartzungoaren kasuan dolua izango da. Hil arte bizi izena jarri diote.
Bertara joatea doan izango da, baina gonbidapenak lortu beharko dira. Ohi bezala, udalaren sarreren webgunean eskuratu beharko dira.
Edukia
Minbiziaren inguruan oraindik dauden tabuak alde batera utzi eta gai horiek guztiak azaleratu nahi dituzte, normalizatu eta barne korapiloak askatu.
“Kultura erabiliz”, gaineratu dute podcastaren arduradunek, “antzerkiak, kontzertuak eta hitzaldiak antolatuz, beldurra sortzen duten gaiak errotik landuz eta ikuspegi kritiko feminista batetik eta umoretik baita ere”.
