Oiartzun Irratiaren 24. urteurrena ospatzeko bazkaria antolatu dute
Uztailaren 15ean izango da bazkaria. Ondorengorako ekitaldiak antolatu dituzte irratikoek. Txartelak salgai daude, uztailaren 7ra arte.
20. urteurrenean egin zuten bazkariko irudia.
Oiartzun Irratia 24. urteurrena betetzen ari da aurten, eta hori fundamentuz ospatzeko asmoz, bazkaria antolatu dute.
Uztailaren 15ean izango da otordua, 14:00etan hasita. Bertara joateko txartelak salgai daude Landetxeko tabernan eta Oiartzun Irratian bertan, 15 euroren truke. San Fermin Eguna —uztailaren 7a— izango da erosteko azkeneko eguna.
Bazkariaz gain, beste hainbat ekitaldi antolatu ditu Oiartzun Irratiak bazkalosterako. Sariak lortzeko aukera izango da jokatuko duten bingoarekin, eta Mirari Martiarenak bakarrizketa eskainiko du.
