Kultur ikasturtea indartsu hasiko da
Iraileko agendaren berri eman dute. Hainbat ekitaldi antolatu dituzte eragileek: auzoetako festak, antzerki programazioaren hasiera, Erdi Aroko Azoka...
'Hondamendia' antzezlana izango da kultur programazioko osagaietako bat. Iraila hasiko da bihar, eta horrekin batera, abuztukoa baino gizenduagoa dagoen kultur agenda. Zorioneko antzezlana izango da lehenengo osagai nagusia, bihar eta etziko saioekin. Arte Egunak dinamikaren aperitibo izango dira.
Hortik aurrera, herriko eragileek zein Oiartzungo Udalak antolatutako ekitaldi askorekin gozatu ahal izango da.
Adibidez, Gurutze eta Ugaldetxoko festekin bukatuko dira auzoetako jaiak. Horrez gain, Landetxe kultur aretoa hainbat iniziatibaren aterpe izango da: Oiartzungo Antzerkizaleen Elkarteak antolatutako programazioaren hasierarena; zinema; musika…
Horiez gain, iraila bukaerak berritasuna ekarriko du: hil horren azkeneko egunean Erdi Aroko azoka egingo dute estreinakoz.
Kulturaz harago, herriko Euskara Plana berritzeko Euskaraz Urtabe izeneko prozesuarekin jarraituko dute, eta Killirikupek bere ikasturtea aurkeztuko du.
Egitarau osoa kontsulta daiteke pdf honetan.
