Xenpelar Tailerretan izena emateko epea aurki irekiko dute
Xenpelar Tailerren 2023-2024 ikasturteko matrikulazio kanpaina datorren astelehenean abiatuko da. Aurten, tailerren 50. urteurrena ospatuko dute, eta eskaintza zabala eskainiko diete herritarrei.
Xenpelar tailerren eskaintza aurkeztu dute gaur. Errenteriako Udalak Xenpelar Tailerren ikasturte berriko matrikulazio kanpainaren berri eman du. Irailaren 4ean, astelehenean, goizeko 10:00etan abiatuko da matrikulak egiteko epea, eta irailaren 15era arte egongo da zabalik; gaueko 22:00ak arte, hain zuzen ere. Dagoeneko, tailerron 50. urteurrena ospatuko dute aurten, eta horregatik eskaintza zabala diseinatu dute: pintura, zeramika, argazkigintza, egur tailla, altzarien zaharberritzea eta patchworkaren (tamaina handitan josteko teknika bat) ingurukoak. 50 ikastaro eskainiko dituzte ikasturtean zehar, urteko eta lauhileko iraupenekotan banatuta, eta denak ala denak helduei zuzendutakoak. Astero, parte hartzaileek bi eta sei ordu arteko saioak izango dituzte.
Izena emateko bi bide ireki ditu udalak. Batetik, modu presentzialean egin nahi dutenek matrikula, ZU! Zure Udala herritarren arreta zerbitzura jo dezakete, irailaren 11 (astelehena) eta 15 (ostiarala) artean. Hitzordua aurretiaz eskatu beharko da, irailaren 7tik 15era bitarte, 043 449 600 edo 010 zenbakietara telefonoz deituta. Bestetik, matrikula online egin nahi dutenek honako esteka honetan sakatu behar dute.
Ikastaroetan parte hartu nahi duten herritar guztiek plaza lortzeko aukera berdina izango dutela aurreratu dute. Horretarako, eskaera kopuruak plaza kopurua gainditzen duen ikastaroetan, esleipena zozketa bidez egingo dute. Horretaz gain, iaz bezala, tasak norberaren gaitasun ekonomikoaren arabera zehaztuko dira. Horretarako, matrikularekin batera, eskaera eredu normalizatuan egingo da, eta ondoren ebazpena.
